கனடாவில் மக்கள்தொகை 35 மில்லியனை தாண்டியுள்ளதாக புள்ளிவிபர அறிக்கை தகவல் வெளியிட்டுள்ளது.
கனடாவின் புள்ளிவிபரவியல் மக்கள்தொகை குறித்து அறிக்கை ஒன்றை வெளியிட்டுள்ளது.
அதில், கனடாவில் மொத்த மக்கள்தொகை 35,158,300 என்று கணக்கிடப் பட்டுள்ளதாகவும், இது கடந்தாண்டை விட 404, 000 அதிகம் எனவும் தெரிவிக்கப்பட்டுள்ளது.
இந்த 1.2 சதவிகித அதிகரிப்பு, கடந்த 30 வருடங்களாக ஒரே மாதிரியாக உள்ளது என்றும் தெரிவிக்கப்பட்டுள்ளது.
கடந்தாண்டு தேசிய அளவில் அல்பேர்ட்டாவில் 3.4 சதவிகித அதிகரிப்பும், Nunavut 2.5 சதவிகிதமும், Saskatchewan 1.9 சதவிகிதமும் அதிகரித்து காணப்பட்டுள்ளது.
மேலும் அல்பெர்ட்டாவில் மக்கள் தொகை அதிகரித்து காணப்படுவதற்கு சர்வதேச குடிவரவும், மற்ற மாகாணங்களிலிருந்து குடிபெயர்ந்தவர்களுகமே காரணம் என்றும் புள்ளிவிபர ஆய்வாளர்கள் தெரிவித்துள்ளனர்.
இந்நிலையில் நோவஸ்கோசியாவில் அரை சதவிகிதம் குறைந்து காணப்படுகிறது என்றும், அட்லாண்டிக் மாகாணங்களில் வளர்ச்சி குறைந்தும் காணப்படுகிறது.
இதற்கு குடியேறியவர்களின் வெளியேற்றமும், குறைந்த அளவு பிறப்புமே காரணம் என தெரிவிக்கப்பட்டுள்ளது.
0 கருத்துகள்:
கருத்துரையிடுக