இந்தியாவின் மத்தியப் பிரதேச மாநிலம், குவாலியரில் உள்ள கோயில் ஒன்றில் இந்து பண்டிகையின்போது பக்தர்கள் கூட்டத்திற்குள் அதிவேகமாக வந்த பாரவூர்தி மோதியதில் 13 பேர் உயிரிழந்துள்ளதாக அதிகாரிகள் தெரிவித்துள்ளனர்.
இன்று அதிகாலை, அதிக பாரம் ஏற்றிச் சென்ற பாரவூர் கட்டுப்பாட்டை இழந்து கோயிலில் கூடியிருந்த பக்தர்கள் மீது மோதியதாகக் கூறப்படுகிறது. இவ்விபத்தில் 13 பேர் உயிரிழந்ததாக மருத்துவமனை அதிகாரிகளை மேற்கோள்காட்டி பிரஸ் டிரஸ்ட் ஆஃப் இந்தியா (PTI) செய்தி நிறுவனம் தெரிவித்துள்ளது.
இந்தியாவில் சாலை விபத்துகளால் ஏற்படும் உயிரிழப்புகள் தொடர்ச்சியான கவலையை ஏற்படுத்தி வருகின்றன. சுமார் 140 கோடி மக்கள்தொகையைக் கொண்ட இந்தியாவில், 2025ஆம் ஆண்டில் 1,83,000க்கும்
அதிகமானோர் சாலை விபத்துகளில் உயிரிழந்ததாகச் சாலைகள் அமைச்சகத்தின் தரவுகள் தெரிவிப்பதாகக்
குறிப்பிடப்பட்டுள்ளது. இதன்படி, நாளொன்றுக்கு சராசரியாக 500க்கும் மேற்பட்டோர் உயிரிழக்கின்றனர்.
போதிய சாலை உட்கட்டமைப்பு வசதிகள் இல்லாமை, முறையாகப் பராமரிக்கப்படாத வாகனங்கள் மற்றும் ஓட்டுநர்களின் சோர்வு போன்றவை சாலை விபத்துகளுக்கான முக்கிய காரணிகளாக அதிகாரப்பூர்வ தரவுகள் சுட்டிக்காட்டுகின்றன.
இவ்விபத்து தொடர்பான மேலதிக விவரங்கள் மற்றும் அதிகாரிகளின் விசாரணை முடிவுகள் வெளியாக வேண்டியுள்ளது
என்பதும் குறிப்பிடத்தக்கதாகும்
https://navatkirinew1.blogspot.com/2024/12/blog-post_7.html
0 கருத்துகள்:
கருத்துரையிடுக