நாட்டில் பொலன்னறுவையில் இரு பிள்ளைகளின் தந்தை மர்மமான முறையில் உயிரிழப்பு

 நாட்டில் பொலன்னறுவை, கல்தம்பராவ, நிஸ்ஸங்கமல்லபுர பகுதியில் 31 வயதுடைய இரு பிள்ளைகளின் தந்தை ஒருவர் மர்மமான முறையில் உயிரிழந்துள்ளார்.

ஈஸ்வரகே தொன் தில்ஷான் மதுஷங்க என்பவரே இவ்வாறு உயிரிழந்தவராவார்.

உயிரிழந்தவரின் மனைவியின் கூற்றுப்படி, நேற்று புதன்கிழமை (30) தனது கணவர் நண்பர்களுடன் இணைந்து மது அருந்திய பின்னர் வீட்டிற்கு அருகில் வந்து, தம்முடன் வாக்குவாதத்தில் ஈடுபட்டுள்ளார்.

இதனையடுத்து அவர் வீட்டிலிருந்து வெளியேறிச் சென்றுள்ள நிலையில், இரவு வீட்டிற்கு திரும்பவில்லை எனத் 

தெரிவிக்கப்பட்டுள்ளது.

இந்நிலையில், இன்று காலை வீட்டிலிருந்து சுமார் 100 மீற்றர் தொலைவில் உள்ள பிரதான வீதியில் காயங்களுடன் விழுந்து கிடந்த நிலையில் அவர் கண்டுபிடிக்கப்பட்டுள்ளார். அவர் கண்டுபிடிக்கப்பட்ட போது ஏற்கனவே உயிரிழந்திருந்ததாக மனைவி 

தெரிவித்துள்ளார்.

இந்த மரணம் மது அருந்தியபோது இடம்பெற்ற கொலையா அல்லது பிரதான வீதியில் விழுந்து கிடந்த போது ஏதேனும் வாகன விபத்தில் சிக்கியதன் காரணமாக ஏற்பட்டதா என்பது தொடர்பில்

 பொலன்னறுவை காவல்துறையினர் சந்தேகம் வெளியிட்டுள்ளனர்.

சம்பவம் தொடர்பில் இதுவரை எவரும் கைது செய்யப்படவில்லை. பொலன்னறுவை காவல்துறையினர் மேலதிக விசாரணைகளை முன்னெடுத்து வருகின்றனர். என்பதும்  குறிப்பிடத்தக்கது

https://navatkirinew1.blogspot.com/2024/12/blog-post_7.html