நாட்டில் இடி, மின்னல் அபாயம்: நாட்டின் நான்கு மாவட்டங்களுக்கு ‘சிவப்பு எச்சரிக்கை’

நாட்டில்  ஊவா மாகாணம் மற்றும் மட்டக்களப்பு, அம்பாறை மாவட்டங்களில் இன்று (19) கடுமையான மின்னல் அபாயம் நிலவக்கூடும் என வளிமண்டலவியல் திணைக்களம் அவசர எச்சரிக்கை 

விடுத்துள்ளது.

இன்று இரவு 11.30 மணி வரை செல்லுபடியாகும் வகையில் இந்த அறிவிப்பு வெளியாகியுள்ளது. இதன்படி, நாட்டின் 4 மாவட்டங்களுக்கு சிவப்பு எச்சரிக்கையும் (Red Alert), 8 மாவட்டங்களுக்கு செம்மஞ்சள் எச்சரிக்கையும் (Amber Alert) விடுக்கப்பட்டுள்ளன.

மழை மற்றும் பலத்த காற்று: இன்று பிற்பகல் 2.00 மணிக்கு பின்னர் நாட்டின் சில இடங்களில் கடுமையான மின்னல் மற்றும் இடியுடன் கூடிய மழை பெய்ய வாய்ப்புள்ளது. 

இடியுடன் கூடிய மழை பெய்யும் சந்தர்ப்பங்களில் தற்காலிகமாக அப்பகுதிகளில் பலத்த காற்று வீசக்கூடும் எனவும் எச்சரிக்கப்பட்டுள்ளது. மின்னல் தாக்கங்களினால் ஏற்படக்கூடிய உயிர் மற்றும் உடமைச் சேதங்களைக் குறைத்துக் கொள்வதற்காக, பொதுமக்கள் தேவையான முன்னெச்சரிக்கை நடவடிக்கைகளை உடனடியாக மேற்கொள்ளுமாறு கேட்டுக்கொள்ளப்பட்டுள்ளனர்.

திறந்தவெளிகளைத் தவிர்க்கவும்: இடி, மின்னல் நிலவும் போது வயல்வெளிகள், விளையாட்டு மைதானங்கள் மற்றும் திறந்தவெளிகளில் தங்குவதைத் முற்றாகத் தவிர்க்கவும்.

மரங்களின் கீழ், தற்காலிகக் கொட்டகைகள் அல்லது மின் கம்பங்களுக்கு அருகில் நிற்காமல், பாதுகாப்பான கட்டிடங்கள் அல்லது மூடிய வாகனங்களுக்குள் தஞ்சமடையவும். வீடுகளிலுள்ள தொலைக்காட்சி, கணினி உள்ளிட்ட மின்சார உபகரணங்களின் இணைப்புகளைத் (Plugs) துண்டித்து வைக்கவும். 

லேண்ட்லைன் தொலைபேசிப் பயன்பாட்டைத் தவிர்க்கவும். சைக்கிள், உந்துருளி (Motorbike) மற்றும் டிராக்டர்கள் போன்ற திறந்த வாகனங்களில் பயணிப்பதைத் தவிர்த்துக்கொள்ளவும்.

 என்பதும்  குறிப்பிடத்தக்கது.

https://navatkirinew1.blogspot.com/2024/12/blog-post_7.html