யாழ்ப்- சுன்னாகம் பகுதியில் பொலிஸாரின் அராஜக நடவடிக்கையால் குடும்பம் ஒன்று பாதிக்கப்பட்டுள்ளதாக செய்திகள்
வெளியாகியுள்ளன.
குறித்த பகுதியில், 09-11-2024.அன்று மாலை குடும்பத்தினர் பயணித்த வாகனம் ஒன்றை பொலிஸார் பயணித்த மோட்டார் சைக்களில் முந்தி செல்ல முற்பட்ட வேளை விபத்திற்குள்ளாகியுள்ளது.
இதனையடுத்து பொலிஸார் குடும்பத்தினர் மீது மிலேச்சதனமாக தாக்குதல் நடத்தியதாக தகவல் வெளியாகியுள்ளது.
இது தொடர்பாக பாதிக்கப்பட்ட பெண் கூறுகையில், “நாங்கள் எமது வாகனத்தில் பயணிக்கையில், எங்களை முந்திச்சென்ற மோட்டார் சைக்கிள் கீழே விழுந்து விபத்துக்குளாகியது.
மோட்டார் சைக்கிளில் வந்தவர்கள் குடித்து விட்டு வாகனம் செலுத்தியதாகவும் அது எமது தவறில்லை எனவும் அருகில் இருந்தவர்கள் கூறினர்.
அதனைத் தொடர்ந்து சம்பவ இடத்துக்கு வந்த பொலிஸார் எனது கணவரிடம் வாகன அனுமதிப்பத்திரத்தை கேட்டனர். போக்குவரத்து
பொலிஸார் சம்பவ இடத்துக்கு வராததால் எனது கணவர் வாகன அனுமதி பத்திரத்தை கொடுக்கவில்லை.
இதனையடுத்து, அவரை பொலிஸார் தாக்கினர். தடுக்க முற்பட்ட என்னையும் தாக்கினர். கீழே விழுந்த எனது 2 மாத குழந்தையை
எடுத்து வீசினர்.
எனது சகோதரர்கள் மீதும் தாக்குதல் நடத்தினர். இந்த சம்பவத்துக்கு நீதி கிடைக்க வேண்டும். இது குறித்து ஜனாதிபதி நடவடிக்கை எடுக்க வேண்டும்” என தெரிவித்துள்ளார்.என்பது குறிப்பிடத்தக்கது
0 கருத்துகள்:
கருத்துரையிடுக