மரண அறிவித்தல் Dr.சிற்றம்பலம் ராஜலிங்கம் 16 07 -21

 பிறப்பு   09-02-1942 --இறப்பு-16 07 -2021 

யாழ். அச்சுவேலி தோப்பை பிறப்பிடமாகவும்,.தோப்பு அச்சுவேலி, கோப்பாய், வெள்ளவத்தை மற்றும் லண்டனை வசிப்பிடமாகவும் கொண்ட  Dr.சிற்றம்பலம் ராஜலிங்கம் (இளைப்பாறிய தலைமை வைத்திய அதிகாரி அச்சுவேலி.மற்றும் தனியார் மருத்துவஅதிகரி ) 16.07.2021.வெள்ளிக்கிழமை 1 அன்று அச்சுவேலியில்  இயற்கையெய்தினார்

அன்னார் காலம்சென்றவர்களான  சிற்றம்பலம் சிதம்பரம் தம்பதிகளின் அன்புமகனும் 

திருமதி  விஜயலட்சுமியின் அன்புக்கணவரும்  காலம்சென்றவர்களான தம்பிப்பிள்ளை அன்னபூரனம் தம்பதிகளின் அன்பு மருமகனும்

 அன்னபாக்கியம், காலம்சென்றவர்களாக தர்மலிங்கம், ரத்தினலிங்கம் ஆகியோரின் அன்புசகோதரனும் 

மகிந்தன், காலஞ்சென்ற கிருசாந்தி, ரூபதர்சினி, காண்டீபன் ஆகியோரின் அன்புத்தகப்பனாரும் 

நிதர்சினி, முகுந்தன், கார்த்திகாவின் பாசமிகு மாமனாரும் 

ஷமிரன், ஷாருகன், நிலக்‌ஷிகா, ஹர்ஷிகா, கிருஷிகா, யஸ்விகா, கிருத்தீஷ் மற்றும் டினுஷிகாவின் ஆருயிர் பேரனும் ஆவார். 

அன்னாரின் ஈமக்கிரியைகள் பற்றிய விபரம் விரைவில் அறிவிக்கப்படும் 

 . அன்னாரின்   இறுதி சடங்கு பற்றிய விபரம் பின்னர் அறிவிக்கப்படும்இவ் அறிவித்தலை உற்றார், உறவினர், நண்பர்கள் அனைவரும் ஏற்றுக்கொள்ளுமாறு கேட்டுக்கொள்கின்றோம். 

அன்னாரின் பிரிவால்

  துயருறும் மனைவி பிள்ளைகள்  சகோதரர்கள் 

மைத்துனர்கள் மைத்துனிகள் பெறாமக்கள்

உற்றார் உறவினர்  நண்பர்கள்அனைவருக்கும் 

எமது நவற்கிரி நிலாவரை  இணையங்களின் 

 கண்ணீர் அஞ்சலி அன்னாரின் பிரிவால்

 துயருறும் குடும்பத்தினருக்கு  

 ஆழ்ந்த அனுதாபங்களை 

தெரிவித்து கொள்ளுகின்றன,

நிலாவரை.கொம் செய்திகள் >>>

>>>>>>>>>>>

Dr. Sittampalam Rajalingam

(Retired Chief Medical Officer, Atchuvely JP)

Dr. Sittampalam Rajalingam      

Our father Dr. C. Rajalingam (Retired Chief Medical Officer, Atchuvely), who was born in Thoppu,Atchuvely Jaffna, and lived in Kopay, Wellawatte and also in London, passed away peacefully in Atchuvely and was embraced by God on Friday, 16 July 2021.

He is the beloved son of the late Sittampalam and Sithamparam,

 

Loving son in law of the late Thambipillai and Annapooranam,

 

Kind and loving brother of Annapackiyam, and the late Tharmalingam and Ratnalingam,

 

Beloved husband of Vijayalakshmi,

 

Ever loving father of Mahinthan, Krishanthi (deceased), Rupatharshini and Kandeepan,

 

Loving father in law of Nitharshini, Muhunthan and Karthika,

 

Affectionate grandfather of Shamiran, Sharukan, Nilakshika, Harshika, Kirushika, Yashwika, Kirutheesh and Dinushika.

 

Details of his funeral and final rites functions will be provided soon.

 

We hereby respectfully request those who wish to lay wreaths and flowers to please donate the funds to charitable organizations, instead.

 

We hereby respectfully request the acquaintances, relatives and friends to accept this intimation.

 

Information provided by:-  The Family.

Read More

இலங்கையில் சீரற்ற காலநிலையால் பல பகுதிகளில் மின் தடை

 

நாட்டில் பெய்துவரும் பலத்த மழை மற்றும் கடும் காற்றுக் காரணமாக சுமார் 60 ஆயிரத்திற்கும் மேற்பட்ட பயனாளர்களது மின் இ

ணைப்பு துண்டிக்கப்பட்டுள்ளதாக மின்சார மற்றும் எரிசக்தி அமைச்சு தெரிவித்துள்ளது

குறித்த பகுதியில் தடைப்பட்ட மின் விநியோகத்தை மீட்டெடுக்க துரித நடவடிக்கை எடுக்கப்பட்டுள்ளதாக அமைச்சு 

தெரிவித்துள்ளது.

இதேவேளை, நேற்றையதினம் ஏற்பட்ட காலநிலை மாற்றம் காரணமாக 85,000 க்கும் மேற்பட்ட மின்சார நுகர்வோருக்கு மின்சாரம் தடைபட்டதாகவும் அமைச்சு தெரிவித்துள்ளது

நிலாவரை.கொம் செய்திகள் >>>

Read More

நாட்டில் பல பகுதிகளில் கடும் சுழல் காற்று.வளிமண்டல திணைக்களம் விடுத்துள்ள சிவப்பு எச்சரிக்கை

நாட்டின் பல பகுதிகளில் சுழல் காற்றும் வீசும் அபாயம் உள்ளதாக வளிமண்டவியல் திணைக்களம் எச்சரித்துள்ளது.இது குறித்து பொதுமக்கள் அவதானமாக இருக்குமாறு திணைக்களம் விடுத்துள்ள விசேட அறிவித்தலில் குறிப்பிட்டுள்ளது.

கொழும்பு மற்றும் அதன் புறநகர் பகுதிகளில் நேற்று இரவு முதல் இன்று அதிகாலை வரை பலத்த காற்று வீசியது. இதன் காரணமாக பல இடங்களில் மின்சாரம் துண்டுடிக்கப்பட்டுள்ளது.

இதேவேளை மேல் மற்றும் சப்ரகமுவ மாகாணங்களிலும் கண்டி, நுவரெலியா, காலி மற்றும் மாத்தறை மாவட்டங்களிலும் சில இடங்களில் 100 மில்லிமீற்றருக்கும் அதிகமான பலத்த

 மழைவீழ்ச்சி எதிர்பார்க்கப்படுகின்றது.கிழக்கு மற்றும் ஊவா மாகாணங்களில் சில இடங்களில் மாலையில் அல்லது இரவில் மழையோ அல்லது இடியுடன் கூடிய மழையோ பெய்யக் கூடிய சாத்தியம் காணப்படுகின்றது.

மத்திய மலைநாட்டின் மேற்கு சரிவுப் பகுதிகளில் அவ்வப்போது மணித்தியாலத்துக்கு 60 கிலோ மீற்றர் வரை அதிகரித்த

 வேகத்தில் பலத்த காற்று வீசக்கூடிய சாத்தியம் காணப்படுவதுடன், வடக்கு, வடமத்திய, வடமேல்

மற்றும் தென் மாகாணங்களிலும் திருகோணமலை மாவட்டத்திலும் மேற்கு கரையோரப் பிரதேசங்களிலும் அவ்வப்போது மணித்தியாலத்துக்கு 50 கிலோ மீற்றர் வரை அதிகரித்த வேகத்தில் பலத்த காற்று வீசக்கூடிய சாத்தியம் காணப்படுவதாக திணைக்களம் 

அறிவுறுத்தியுள்ளது.

நிலாவரை.கொம் செய்திகள் >>>>

Read More

சேருநுவர பொலிஸ் பிரில் தாதியர் ஒருவர் தீ மூட்டி தற்கொலை முயற்சி

திருகோணமலை – சேருநுவர பொலிஸ் பிரிவுக்குட்பட்ட பகுதியில் தாதிய உத்தியோகத்தர் ஒருவர் தனக்குத் தானே தீ மூட்டி தற்கொலை செய்ய முயற்சித்த சம்பவமொன்று இடம்பெற்றுள்ளது. இச்சம்பவம் 06-07-2021.அன்று மாலை இடம்பெற்றுள்ளது.

குறித்த நபர் ஈச்சிலம்பற்று கொரோனா இடைத்தங்கல் முகாமில் கடமையாற்றி வந்த சேருநுவர பகுதியைச் சேர்ந்த தாதியர் என 

தெரிவிக்கப்படுகின்றது.

கணவர் பொலிஸ் உத்தியோகத்தராக கடமையாற்றி வருகின்ற நிலையில், தீ மூட்டிக் கொண்ட தாதிய உத்தியோகத்தர் தற்பொழுது ஈச்சிலம்பற்று கொரோனா இடைத்தங்கல் முகாமில் கடமையாற்றி வருவதாகவும் குடும்பத்தகராறு காரணமாகவே தனக்குத் தானே தீ மூட்டி கொண்டதாகவும் ஆரம்ப கட்ட விசாரணைகளின் மூலம்

 தெரியவந்துள்ளது.

குறித்த தாதிய உத்தியோகத்தர் சேருநுவர பிரதேச வைத்தியசாலையில் அனுமதிக்கப்பட்டதையடுத்து மேலதிக சிகிச்சைக்காக திருகோணமலை பொது வைத்தியசாலையில் அனுமதிக்கப்பட்டுள்ளதாகவும் 

தெரியவருகின்றது.

தீ மூட்டியமைக்கான காரணம் தொடர்பில் தீவிர விசாரணைகளை மேற்கொண்டு வருவதாக சேருநுவர பொலிஸார்

 தெரிவிக்கின்றனர்.

நிலாவரை.கொம் செய்திகள் >>>

Read More

நாட்டில் வீட்டிலிருந்து கற்கும் மாணவர்களுக்க்கு தொலைக்காட்சி அலைவரிசை

தரம் 1 முதல் 13 வரையான மாணவர்களுக்காக அரசாங்கம் 20 தொலைக்காட்சி அலைவரிசைகளை நிறுவத் திட்டமிட்டுள்ளதாக இணை அமைச்சரவைப் பேச்சாளரும் பெருந்தோட்டத்துறை அமைச்சருமான ரமேஷ் பத்திரண தெரிவித்தார்

இன்று இடம்பெற்ற ஊடக சந்திப்பில் ஊடகவியலாளர் ஒருவரின் கேள்விக்கு பதிலளிக் கையிலேயே அமைச்சர் இவ்வாறு கூறினார்.

பாடசாலை மாணவர்களுக்கு தொலைக்காட்சி மூலம் இலவசக் கல்வியை வழங்கவும் அவர்களுக்குத் தேவையான வசதிகளை வழங்கவும் அரசு உறுதிபூண்டுள்ளது என அவர் கூறினார்.

இதன்படி உயர்தரத்தில் தொழில்நுட்பம்,உயிரியல், கணிதம் மற்றும் கலை ஆகிய துறைகளுக்கு 4 தனித்தனி அலைவரிசைகள் நிறுவப்படும் எனவும் பாடத்திட்டத்தின் பதிவு தற்போது கல்வி அமைச்சில் நடைபெற்று வருவதாகவும் அமைச்சர் கூறினார்.

நிலாவரை.கொம் செய்திகள் >>>

Read More

கோண்டாவிலில் கடன் பணத்தைக் கேட்டு வீடு தேடிச் சென்றவர் மீது தாக்குதல்

 யாழ்  கோண்டாவில் காளி கோவிலடியில் கடன் பணத்தைக் கேட்டு வீடு தேடிச் சென்றவர் மீது தாக்குதல் நடத்தப்பட்டுள்ளது.தந்தையும் மகனும் இணைந்து அவரின் தலை மற்றும் கழுத்தில் வாளினால் வெட்டி தாக்குதல் நடத்தியுள்ளனர் என்று கோப்பாய் காவல்துறையினர் தெரிவித்தனர்.இந்தச் சம்பவம் இன்று நண்பகல் இடம்பெற்றது.

சம்பவத்தில் மோகனராஜா ரஜீவன் (வயது-37) என்பவரே சம்பவத்தில் படுகாயமடைந்தார்.சம்பவம் தொடர்பில் கோப்பாய் காவல்துறையினர் விசாரணைகளை முன்னெடுத்துள்ளனர்.

நிலாவரை.கொம் செய்திகள் >>>

Read More

துவிச்சக்கரவண்டியில் சென்றவரைஅம்பாறையில் லொறி மோதி பலி

அம்பாறை – அட்டாளைச்சேனை பகுதியில் வீதியால் துவிச்சக்கரவண்டியில் சென்ற ஒருவர் லொறி மோதி உயிரிழந்துள்ளார்.

இச்சம்பவம் 03-.'7-2021-சனிக்கிழமைஅன்று மதியம் அட்டாளைச்சேனை பகுதியில் உள்ள பிரதான வீதியில் 

இடம்பெற்றுள்ளது.

குறித்த விபத்துச் சம்பவமானது வீதி திருத்த வேலைகளுக்கு அமர்த்தப்பட்டிருந்த மண்லொறி பிரதான வீதியினால் சென்று கொண்டிருந்த நிலையில் முன்னால் துவிச்சக்கரவண்டியில் சென்ற நபரை மோதி தப்பிச் சென்றுள்ளது.

குறித்த விபத்தில் படுகாயமடைந்த துவிச்சக்கர வண்டியில் பயணம் செய்தவர் சிகிச்சைக்காக வைத்தியசாலையில் அனுமதிக்கப்பட்ட பின்னர் உயிரிழந்துள்ளார்.

குறித்த விபத்தின் சிசிடிவி காட்சியும் தற்போது பெறப்பட்டுள்ளது.

சம்பவம் தொடர்பாக அக்கரைப்பற்று பொலிஸார் விசாரணைகளை மேற்கொண்டு வருகின்றனர். தப்பி சென்ற சாரதியை கைது செய்வதற்கான நடவடிக்கையும் எடுக்கப்பட்டுள்ளது.

நிலாவரை.கொம் செய்திகள் >>>

Read More

வேலை செய்தாலே இடுப்பு வலி உடல் சோர்வு இருந்தால் இதை சாப்பிடுங்கள்

நீங்கள் அடிக்கடி பலவீனம் என்ற பிரச்சினை மூலம் தொந்தரவு என்றால். இன்று நாம் ஒரு விஷயத்தை பற்றி உங்களுக்கு சொல்லப்போகிறோம். இது அவர்களின் உடலில் பலவீனத்தின் சிக்கலைக் குறைகிறதுஇது கருப்பு கடலை. கடலையில் உள்ள புரதம், வைட்டமின்கள், இரும்பு, கால்சியம், நார்ச்சத்து கூடுதலாக மற்ற ஊட்டச்சத்து

 நிறைய உள்ளன.

து உங்கள் உடலுக்கு மிகவும் பயனுள்ளது. அதை வழக்கமான நுகர்வு மூலம், உடல் போதுமான ஆற்றல் பெறுகிறது. உடலின் பலவீனம் எப்போதும் நீக்கப்படுகிறதுதண்ணீரில் நனைத்த கடலை ஒவ்வொரு இரவும் எடுத்துக்கொள்ளவும் அடுத்த நாள் காலை கடலை முழுமையாய் இருக்கும். நீங்கள் சாப்பிட வேண்டியது. ஒவ்வொரு காலையிலும் வேரும் வயிற்றில் உட்கொண்டால். உடலின் பல நோய்களால்

 இது முடிவடையும்.

ஆண்மை அதிகரிக்ககொண்டைக்கடலையை தண்ணீரில் ஊற வைத்து தொடர்ந்து சாப்பிட்டு வர ஆண்மை அதிகரிக்கும், மெலிந்த உடல் பெருக்கும். சளி, இருமல் குணமாகும். நுரையீரல் தொடர்பான நோய்களும்

 குணமாகும்

சிறுநீர் பிரச்சினைகள் தீரகொண்டைக்கடலையை வறுத்து பொடி செய்து தினமும் இருவேளை உட்கொண்டு வர வயிறு பொருமல், சிறுநீர் சரிவர வெளிப்படாமல் சொட்டு சொட்டாக போதல், சிறுநீர் எரிச்சல் போன்றவை குணமாகும்.

தலைவலி, தலைபாரம் குணமாககொண்டைக்கடலையை லேசாக வறுத்து சாப்பிட்டு பின் பால் அருந்தி வர இருமல், தலைவலி, தலைபாரம் ஆகியவை குணமாகும்.

நிலாவரை.கொம் செய்திகள் >>>

Read More

நாட்டில் பாணின் விலை எதிர்பாராதளவு சடுதியாக அதிகரிப்பு. அடுத்த வார முதல்

பாணின் விலை எதிர்பாராதளவு சடுதியாக அதிகரிப்பு..!அடுத்த வார முதல்..!கோதுமை மாவின் விலை 18 ரூபாவினால் அதிகரிக்கப்பட்டுள்ளதன் காரணமாக அடுத்த வாரத்திலிருந்து பாணின் விலை 

10 ரூபாவினால்

அதிகரிக்கப்படவுள்ளது.இந்த அறிவிப்பினை அனைத்து இலங்கை பேக்கரி உரிமையாளர் சங்கத்தின் தலைவர் என்.கே. ஜயவர்தன இன்று புதன்கிழமை வெளியிட்டார்.செரன்டிப் நிறுவனம் கடந்த வாரத்தில்

 கோதுமை மா

கிலோ ஒன்றின் விலையை 18 ரூபாவினால் உயர்த்தியுள்ளது.இதுதவிர எரிபொருள் விலையேற்றமும் பாணின் விலையேற்றத்தில் தாக்கம் செலுத்துகின்றமை குறிப்பிடத்தக்கது

இங்குஅழுத்தவும் நிலாவரை.கொம் செய்திகள் >>>

Read More

சீனாவின் சினோவாக் தடுப்பூசியை எடுத்துக் கொண்ட 20 மருத்துவர்கள் பலி

இந்தோனேசியா நாட்டில் சீனாவின் சினோவாக் தடுப்பூசியை எடுத்துக் கொண்ட 20 மருத்துவர்கள் கோவிட் தொற்றால் உயிரிழந்த சம்பவம் அதிர்ச்சியை ஏற்படுத்தியுள்ளது.

இந்தியப் பெருங்கடலில் அமைந்துள்ள தீவு நாடான இந்தோனேசியாவில் கோவிட் பாதிப்பு மீண்டும் அதிகரிக்கத் தொடங்கியுள்ளது.அங்கு தினசரி கோவிட் பாதிப்பு 20 ஆயிரத்தைக் கடந்துள்ளது.

அதன்படி இந்தோனிஷாவில் மருத்துவர்களுக்குச் சீன தடுப்பூசியான சினோவாக் கொடுக்கப்பட்டது. ஆனாலும் சினோவாக் வேக்சினின் 2 டோஸ் எடுத்துக் கொண்ட பிறகும் கூட சுமார் 20 மருத்துவர்கள் உயிரிழந்துள்ளது அதிர்ச்சியை ஏற்படுத்தியுள்ளது.

ஒட்டுமொத்தமாகக் கடந்த 2 வாரங்களில் மட்டும் சினோவாக் வேக்சின் எடுத்துக் கொண்ட 358 சுகாதார ஊழியர்களுக்கு கோவிட் பாதிப்பு ஏற்பட்டுள்ளது.  இது சினோவாக் வேக்சின் மீதான சந்தேகத்தை அதிகப்படுத்தியுள்ளது.

சீனாவின் சினோவாக் வேக்சின் மருத்துவ சோதனைகளில் 51% பலன் அளிப்பதாகக் கூறப்பட்டிருந்தது. ஒரு வேக்சின் அனுமதி பெறக் குறைந்தபட்சம் 51% செயல்திறன் கொண்டிருக்க வேண்டும். அந்த அளவு செயல்திறனை மட்டுமே சினோவாக் கொண்டுள்ளது.

தற்போது பயன்பாட்டிலுள்ள வேக்சின்களேயே சினோவாக் தான் குறைவான தடுப்பாற்றலை கொண்டிருக்கிறது. இருப்பினும், அதுவும்கூட முறை சோதனைகளில் பெறப்பட்ட முடிவுகள் இல்லை எனச் சர்வதேச ஆய்வாளர்கள் சந்தேகம் தெரிவிக்கின்றனர்.

கோவிட் வைரசை எதிர்கொள்ள அனைத்து நாடுகளும் கடுமையாகப் போரடி வருகின்றன. உலக வல்லரசு நாடுகள் கூட கோவிட்டை எதிர்கொள்வதில் பெரும் சிரமத்தை எதிர்கொண்டுள்ளது.

நிலாவரை.கொம் செய்திகள் >>>

Read More

நாட்டில் பெற்றோர்களின் கவனத்திற்கு.. பிள்ளைகள் தொடர்பான எச்சரிக்கை

 பிள்ளைகள்  தினமும் ஒரு மணி நேரத்திற்கு மேல் தொலைக்காட்சியின் முன்னால் இருக்கும் சிறார்களுக்கு நீண்டகால உடல் மற்றும் மன ரீதியான அழுத்தங்கள் ஏற்படலாம் என தெரிவிக்கப்பட்டுள்ளது.இந்த விடயத்தை சிறுவர் நோய்கள் தொடர்பான விசேட மருத்துவர்கள் சங்கத்தின் செயலாளர் விசேட மருத்துவ நிபுணர் சன்ன டி சில்வா தெரிவித்துள்ளார்.

தனால், தற்போது கோவிட் தொற்று காலத்தில் சிறுவர்ளுக்கு பாடசாலை மற்றும் மேலதிக வகுப்புக்கு தேவையான பாடங்களுக்காக மாத்திரம் தொழிநுட்பத்தை பயன்படுத்தும் சந்தர்ப்பத்தை பெற்றோர் வழங்க வேண்டும் எனவும் அவர் அறிவுறுத்தல் வழங்கியுள்ளார்.

சிறுவர்கள் தொழிநுட்ப தொடர்பான புதிய முறைகளை கண்டறிபவர்கள் என்பதால், அவர்கள் தவறாக வழிநடத்தப்படும் ஆபத்து காணப்படுகிறது

இது குறித்து பெற்றோர் கூடிய கவனத்தை செலுத்த வேண்டும் எனவும் மருத்துவர் சன்ன டி சில்வா எச்சரித்துள்ளார்

நிலாவரை.கொம் செய்திகள் >>>

Read More

மட்டக்களப்பில் பிள்ளையாரடி பகுதியில் துப்பாக்கி சூடு. ஒருவர் பலி..

    மட்டக்களப்பில்   இராஜாங்க அமைச்சர் சதாசிவம் வியாழேந்திரனின் வீட்டில் கடமையில் இருந்த காவல்துறை அதிகாரி ஒருவர் நடத்திய துப்பாக்கிச் சூட்டில் ரிப்பர் சாரதி ஒருவர் பலியானதாக காவல்துறை பேச்சாளர், சிரேஷ்ட பிரதிக் காவல்துறைமா அதிபர் அஜித் ரோஹன தெரிவித்துள்ளார்.

மட்டக்களப்பு – பிள்ளையாரடி பகுதியில் 21-06-2021.அன்று மாலை 5.10 மணியளவில் இச்சம்பவம் இடம்பெற்றுள்ளது.இராஜாங்க    அமைச்சரின் வீட்டில் பாதுகாப்புக் கடமையில் ஈடுபட்டிருந்த கான்ஸ்டபிள் ஒருவரே இந்த துப்பாக்கிப் பிரயோகத்தை மேற்கொண்டுள்ளதாக ஆரம்பக்கட்ட விசாரணையில் தெரியவந்துள்ளது.

இச்சம்பவத்தில் காயமடைந்த நபர் மட்டக்களப்பு போதனா வைத்தியசாலையில் அனுமதிக்கப்பட்ட நிலையில் சிகிச்சை பலனின்றி உயிரிழந்ததாக காவல்துறை பேச்சாளர் மேலும்

 தெரிவித்தார்.கொலையுண்ட மணல் ரிப்பர் சாரதி மற்றும் காவல்துறை கான்ஸ்டபிள் ஆகியோருக்கு இடையில் கடந்த சில தினங்களுக்கு முன்னர் வாக்குவாதம் ஏற்பட்டுள்ளது

சம்பவம் தொடர்பில் மட்டக்களப்பு சிரேஷ்ட காவல்துறை அத்தியட்சகரின் தலைமையில் பூரண விசாரணை முன்னெடுக்கப்பட்டு வருவதாக காவல்துறை பேச்சாளர், பதில் சிரேஷ்ட பிரதி காவல்துறைமா அதிபர் அஜித ரோஹன தெரிவித்துள்ளார்.

நிலாவரை.கொம் செய்திகள் >>>

Read More

நட்டில் தேங்காயின் விலை தொடர்பாக வெளியிடப்பட்ட வர்த்தமானி

தேங்காயின் அதிகபட்ச விற்பனை விலையை நிர்ணயித்து வெளியிடப்பட்ட வர்த்தமானியை இரத்து செய்து புதிய வர்த்தமானி அறிவிப்பொன்றை நுகர்வோர் விவகார அதிகாரசபை 18-06-2021.அன்று 

வெளியிட்டுள்ளது

தேங்காய் ஒன்றுக்கான அதிகபட்ச விற்பனை விலை, 2020 செப்டம்பர் 25 திகதியன்று வர்த்தமானி அறிவிப்பு எண் 2194/73 இல் வெளியிடப்பட்டது. அந்த அறிவிப்பை தற்போது இரத்து செய்து புதிய வர்த்தமானி

 வெளியிடப்பட்டுள்ளது.

நிலாவரை.கொம் செய்திகள் >>>

Read More

மரண அறிவித்தல் திரு கணேசலிங்கம் காந்தரூபன் 17.06.2021

பிறப்பு   23-01-1985-- இறப்பு-17-06-2021.

யாழ் நவற்கிரி புத்தூரை பிறப்பிடமாகவும் வசிப்பிடமாகவும் கொண்ட

 திருகணேசலிங்கம் காந்தரூபன்    (காந்தன்),

அவர்கள்,.17-06-.2021   வியாழக்கிழமை  இன்று இயற்கை எய்தினார். 

அன்னாரின் இறுதிக்கிரியை 

 20-06-2021,ஞாயிற்றுக்கிழமை  ,அன்று 

மு.ப 10:00 மணி முதல் ந.ப 11:00மணிவரை அவரது இல்லத்தில் நடைபெற்று .பின்னர் நவற்கிரி  நிலாவரை  இந்து மயானத்தில் பூதவுடல் நல்லடக்கம்  நடைபெறும் 

இவ் அறிவித்தலை உற்றார், உறவினர், நண்பர்கள் அனைவரும் ஏற்றுக்கொள்ளுமாறு கேட்டுக்கொள்கின்றோம்

தகவல் .குடும்பத்தினர் 

வீ ட்டு  முகவரி 

மஸ்கன் வீதி நிலாவரை  

நவற்கிரி .புத்தூர் 

எமது நவற்கிரி நிலாவரை  இணையங்களின் 

 கண்ணீர் அஞ்சலி 

அன்னாரின் பிரிவால்

 துயருறும் குடும்பத்தினருக்கு  

 ஆழ்ந்த அனுதாபங்களை 

தெரிவித்து அன்னாரின் ஆத்மா சாந்தியடைய பிரார்த்தித்து ,

 எமது ஆறுதலையும் பகிர்ந்து கொள்கின்றோம் 

ஓம்சாந்தி !!! ஓம்சாந்தி !!! ஓம்சாந்தி !!! 

நிலாவரை.கொம் செய்திகள் >>>>>>>

Read More

நாட்டில் பிரிமா கோதுமை மாவின் விலை அதிகரிப்பு

பாண் உட்பட பேக்கரி உற்பத்திகளுக்குப் பயன்படுத்தப் படும் மில்க் வர்த்தகப் பெயருடைய பிரிமா கோதுமை மாவின் விலை 3 ரூபா 50 சதத்தால் அதிகரிக்கப்பட்டுள்ளது.

இவ்விலை அதிகரிப்பு இன்று முதல் அமுலுக்கு வருவதாக பிரிமா நிறுவனம் அறிவித்துள்ளது. இதன்படி பிரிமாவினால் விற்கப்படும் மில்க் வர்த்தகப் பெயருடைய 50 கிலோகிராம் பொதி மாவின் விலை 4000 ரூபாவிலிருந்து 4175 ரூபாவாக அதிகரிக்கப்பட்டுள்ளது.

பிரிமா அண்மையிலேயே மாவின் விலையை 4 ரூபாவால் அதிகரித்திருந்தமை குறிப்பிடத்தக்கது.

நிலாவரை.கொம் செய்திகள் >>>

Read More

பாரவூர்தி விக்டோரியா நீர்த்தேக்கத்தினுள் வீழ்ந்து விபத்து சாரதி உட்பட 1,600 உயிர்கள் உயிரிழப்பு

பாரவூர்தியொன்று, 1,600 கோழிகளை ஏற்றிச் சென்ற மஹியங்கனை – கண்டி பிரதான வீதியில் மொரகஹமுல, கல்ஓய பாலத்துக்கு அருகில் விக்டோரியா நீர்த்தேக்கத்துக்குள் வீழ்ந்து விபத்துக்குள்ளாகியுள்ளது.

விபத்தில் பாரவூர்தியின் சாரதி பலியானதுடன், அதில் ஏற்றிச்செல்லப்பட்ட 1,600 கோழிகளும் உயிரிழந்துள்ளதாக 

காவல்துறையினர் தெரிவித்துள்ளனர்.பிபிலை பிரதேசத்திலிருந்து கண்டி, கம்பளை பிரதேசத்தை நோக்கி பயணித்த வாகனமே இவ்வாறு விபத்துக்குள்ளாகியுள்ளது.

விபத்தில் உயிரிழந்த சாரதி, கட்டுகிதுல, மீகஹமுல்ல பிரதேசத்தைச் சேர்ந்த அஷேன் தனுஷ்க என்பவரே உயிரிழந்தவராவார்.இந்த பாரவூர்தி கல்ஓய பாலத்துக்கு அருகில் இருந்த தடுப்புச் சுவரை 

உடைத்துக் கொண்டு

நீர்த்தேக்கத்துக்குள் வீழ்ந்துள்ளதாகவும், விபத்துக்கான காரணம் இதுவரை கண்டறியப்படவில்லை என்றும் காவல்துறை 

தெரிவித்துள்ளது.

நிலாவரை.கொம் செய்திகள் >>>>>

 

Read More

கம்பளையில் பிறந்து 8 நாட்களேயான ஆண் குழந்தை கொரோனாவால் மரணம்

கம்பளை, புஸ்ஸல்லாவ பிரதேசத்தில், பிறந்து 8 நாட்களேயான ஆண் குழந்தையொன்று கொவிட் தொற்றினால் உயிரிழந்துள்ளதாக சுகாதார அமைச்சு தெரிவித்துள்ளது.

சுகாதார சேவைகள் பணிப்பாளர் நாயகத்தினால் நேற்று (9) உறுதிசெய்யப்பட்ட 67 கொவிட் மரணங்களுள் இக்குழந்தையின் மரணமும் உள்ளடங்கியுள்ளதாக அரச தகவல் திணைக்களத்தின் அறிக்கையில் குறிப்பிடப்பட்டுள்ளது.வைத்தியசாலையிலிருந்து வீட்டுக்குக் கொண்டு செல்லப்பட்டதன் பின்னர், அக்குழந்தைக்குத் தீவிரமாகக் காய்ச்சல் ஏற்பட்டுள்ளது.

இதனால், குழந்தை மீண்டும் வைத்தியசாலையில் அனுமதிக்கப்பட்டு பீ.சி.ஆர் பரிசோதனை மேற்கொள்ளப்பட்டிருந்த நிலையில் கொவிட் தொற்று உறுதி செய்யப்பட்டதாக கம்பளை ஆதார வைத்தியசாலை வட்டாரங்கள் தெரிவிக்கின்றன.

இந்நிலையில், கடந்த மே 27 ஆம் திகதி இக்குழந்தை கம்பளை ஆதார வைத்தியசாலையில் உயிரிழந்ததாகவும், உயிரிழப்புக்கான காரணம் கொவிட் நியூமோனியா நிலைமை என அடையாளம் காணப்பட்டதாகவும் சுகாதார அமைச்சு தெரிவித்துள்ளது.

நிலாவரை.கொம் செய்திகள் >>>

Read More

துவரங்காடு பகுதியில் சட்டவிரோதமாக கசிப்பு உற்பத்தியில் ஈடுபட்ட மூவர் கைது

திருகோணமலை – வரோதயநகர்,துவரங்காடு பகுதியில் சட்டவிரோதமான முறையில் சாராயம் உற்பத்தி செய்ய முயன்ற மூன்று சந்தேகநபர்கள் கைது செய்யப்பட்டுள்ளனர்.

இதன்போது 8 பறள் கோடாவையும் கைப்பற்றியுள்ளதாக திருகோணமலை மாவட்ட மதுவரித்திணைக்கள அதிகாரிகள் 

தெரிவித்துள்ளனர்.

குறித்த சம்பவம் தொடர்பில் தங்களுக்குக் கிடைக்க பெற்ற இரகசிய தகவலின் அடிப்படையில் சுற்றிவளைப்பு மேற்கொள்ளப்பட்டுள்ளது.

இதன்போதே சந்தேகநபர்கள் கைது செய்யப்பட்டுள்ளதாக மாவட்ட மதுவரி திணைக்கள பொறுப்பதிகாரி ஜே.எஸ்.பீ.அத்தநாயக்க

 தெரிவித்துள்ளார்.

கைது செய்யப்பட்ட மூவரும் வரோதய நகர்ப் பகுதியைச் சேர்ந்த 25 வயது தொடக்கம் 33 வயதிற்கு உட்பட்ட குடும்பஸ்தர்கள் எனவும் 

தெரியவருகிறது.

இந்த சந்தர்ப்பத்தில் 6000 மில்லி லீற்றர் கோடா மற்றும் 7500 மில்லி லீற்றர் கசிப்பு என்பனவும் கைப்பற்றப்பட்டுள்ளன.

கைது செய்யப்பட்ட மூவரும் பிணையில் விடுதலை செய்யப்பட்டுள்ளதாக மது வரி திணைக்களத்தினர் தெரிவித்துள்ளார்.

நிலாவரை.கொம் செய்திகள் >>>

Read More

கரடியனாறுகித்துள் பகுதியில் காட்டு யானை தாக்கி ஒருவர் பலி

மட்டக்களப்பு மாவட்டத்தின் கரடியனாறு பொலிஸ் பிரிவுக்குட்பட்ட கித்துள் பகுதியில் காட்டு யானை தாக்கியதில் ஒருவர்

 உயிரிழந்துள்ளார்.

நேற்று (08) மாலை கித்துள் வயல் பகுதியில் இடம்பெற்ற இந்த சம்பவத்தில் 53 வயதுடைய பொண்ணுத்துறை கௌகிகரன் என்ற குடும்பஸ்தரே உயிரிழந்துள்ளார்.

நேற்று மாலை 06 மணியளவில் வீட்டிலிருந்து இருந்து வயல் காவலுக்காக கித்துள் வயல்பகுதிக்கு சென்ற வேளையே இவ்வாறு 

உயிரிழந்துள்ளார்.

இன்று காலை மீட்கப்பட்ட சடலம் தற்போது மட்டக்களப்பு போதனா வைத்தியசாலையில் வைக்கப்பட்டுள்ளதுடன் இது தொடர்பாக கரடியனாறு காவல் துறையினர் மேலதிக விசாரணைகளை 

மேற்கொண்டுவருகின்றனர்.

பயணத்தடை காரணமாக மிகவும் கஸ்டத்திற்கு மத்தியில் வாழும் விவசாயிகள் யானைகளின் தாக்குதல்கள் காரணமாகவும் பாதிக்கப்படுவது தொடர்பில் விவசாயிகள் கவலை 

தெரிவித்துள்ளர்.

இப்பகுதியில் யானையின் தாக்குதல்கள் காரணமாக தொடர்ச்சியான இழப்புகளை பொதுமக்கள் எதிர்கொண்டு வருகின்றமை

 குறிப்பிடத்தக்கது

நிலாவரை.கொம் செய்திகள் >>>

Read More

வெல்லவாயவில் வீடு ஒன்றிலிருந்து இளம் தம்பதியின் சடலங்கள் மீட்பு

மொனராகலை, வெல்லவாய பொலிஸ் பிரிவுக்குட்பட்ட பிரதேசத்தில் வீடு ஒன்றுக்குள் இருந்து இளம் தம்பதிகளின் சடலங்கள் மீட்கப்பட்டுள்ளதாக பொலிஸார் தெரிவித்துள்ளனர்.

பொலிஸாருக்கு கிடைத்த தகவலுக்கமைய இந்த சடலங்கள் கண்டுபிடிக்கப்பட்டுள்ளது.

36 வயதுடைய ஆணின் சடலமும் 21 வயதுடைய பெண்ணின் சடலமுமே இவ்வாறு மீட்கப்பட்டுள்ளதாக பொலிஸார்

 குறிப்பிட்டுள்ளனர்.

உயிரிழந்த நபர் உள்ளூர் மருத்துவம் மேற்கொள்ளும் நடவடிக்கையில் ஈடுபடுவதாக பொலிஸார் தெரிவித்துள்ளனர். அவர்கள் வெல்லவாய செல்பாவ பிரசேத்தில் வாடகைக்கு வீடு ஒன்றை பெற்று வாழ்ந்து வந்துள்ளனர்.

இரண்டு சடலங்களும் படுக்கறையின் கட்டிலுக்கு மேல் கிடந்த நிலையில் கண்டுபிடிக்கப்பட்டுள்ளது. பிரதேச பரிசோதனை நடவடிக்கைகள் முன்னெடுக்கப்பட்டுள்ளதாக 

தெரிவிக்கப்படுகின்றது.

நிலாவரை.கொம் செய்திகள் >>>

Read More

நாட்டில நிலவும் சிரற்ற காலநிலையால் 10 மாவட்டங்களில் 14 பேர் இறப்பு

இலங்கையில் நிலவும் மோசமான வானிலை காரணமாக பத்து மாவட்டங்களில் பதினான்கு பேர் இறந்துள்ளனர், 60, 674 குடும்பங்களைச் சேர்ந்த 245,212 பேர் பாதிக்கப்பட்டுள்ளனர் என அனர்த்த முகாமைத்துவ மையம் 

தெரிவித்துள்ளது.

கம்பஹா, இரத்னபுரி, கொழும்பு, புத்தளம், களுத்துறை, நுவர எலிய, கேகாலை, கண்டி, குருநாகல் மற்றும் காலி மாவட்டங்களில் மக்கள் பாதிக்கப்பட்டுள்ளனர். அனர்த்தங்களின் போது இரண்டு பேர் காயமடைந்தனர், இருவரை காணவில்லை என்றும் மத்திய மையம்

 குறிப்பிட்டுள்ளது.

14 வீடுகள் பகுதியளவில் சேதமடைந்துள்ளன, 817 வீடுகள் முழுமையாக சேதமடைந்துள்ளன. 3,520 குடும்பங்களைச் சேர்ந்த 15,658 பேர் 72 பாதுகாப்பான இடங்களுக்கு அனுப்பப்பட்டுள்ளனர்.

இறப்புக்களை பொறுத்தவரையில் கம்பஹாவில் – 2, இரத்னபுரியில் – 3, கொழும்பு, புத்தளம், களுத்துறை, காலியில் தலா – 1, கேகாலையில் – 5 என்ற எண்ணிக்கையில் இறப்புகள்

 பதிவாகியுள்ளன.

நிலாவரை.கொம் செய்திகள் >>>

Read More